Кандидатот за претседател Стево Пендаровски денеска ја продолжи кампањата со средба со жителите на Крушево и порача дека борбата продолжува од нула, како да немало прв круг. Тој ги негираше обвинувањата на опозицијата дека ќе го бојкотира вториот круг од претседателските избори.
„Дали е логично да дојдам јас во Крушево, ако мислам да бојкотирам? Јас мислам со сите вас да победам! Кој сака нека бојкотира, ниту сум бојкотирал 2014-та, ниту 2019-та, ниту 2016-та, ниту оваа 2024-та нема да бојкотирам. Тие нека му ја мислат за крајниот резултат. Ние сите го знаеме и наместо бојкот ние ќе прославуваме’, истакна Пендаровски денеска во Крушево
