Навивачите на Манчестер Јунајтед го нападнаа домот на Ед Вудворд, јавуваат англиските медиуми. Тие направија хаос користејќи чадни бомби, спрејови, направија мал огномет и пееја навредливи песни за првиот човек на екипата.
Се верува дека навивачката група се вика „Луѓе во црно“, а полицијата работи на нивно идентификување. Околу 20 од нив беа виновни за инцидентот пред куќата на Вудворд. За среќа, тој и неговото семејство не биле дома. Моментално тие се на сигурно место и нема да се вратат додека ситуацијата не е под контрола на надлежните органи.
Кога ќе се дознае кои се навивачите, ќе им се суди пред законските органи, а исто така ќе им се забрани да присуствуваат на мечеви на „Олд Трафорд“.
