Нови 39 заразени од коронавирусот на крузерот „Дајмонд Принцес“

0
79

Јапонското министерство за здравство утринава соопшти за нови 39 случаи на коронавирусот на крузерот „Дајмонд Принцес“ кои се регистрирани во текот на вечерта. На бродот, со вкупно 3.700-тини патници, се и тројцата македонски државјани за кои министерот Филипче вчера изјави дека не се заболени и дека се во постојан контакт со јапонските здравствени власти.

Со новите случаи, бројот на заболени на бродот се зголеми до 174. Заболен е и еден доктор кој бил дел од првичните проверки на бродот кој од 3-ти февруари е во карантин на јапонското пристаниште Јокохама.

Досега, од новиот вирус, кој го носи името Ковид-19, во Јапонија се заболени вкупно 203 луѓе.