Дел од новите автобуси на гас ќе пристигнат во првата половина на март. Ова го најави скопскиот градоначалник, Петре Шилегов на својата фејбук страница.
Според договорот кој беше потпишан лани во септември, ќе бидат набавени вкупно 33 нископодни автобуси, 21 единечен, со капацитет за 81 патник и 12 зглобни за 149 патници.
Во сите автобуси ќе има дополнителна опрема, како вградени полначи за телефони. Со новите еколошки автобуси годишно ќе се заштедат 25.000 евра за гориво во споредба со двокатните кинески и воопшто нема да загадуваат.
