ДОКТОРИ ОТКРИЈА 7 ЗНАЦИ ДЕКА СТЕ ЈА ПРЕЛЕЖАЛЕ КОРОНАТА: Вирусот се ширел долго пред да знаеме

0
306

Повеќето луѓе кои имаат коронавирус имаат некомплициран случај на инфекција и не може да се разликува од настинка или грип.

Без разлика дали сте имале „многу тешка настинка“ оваа зима или неодамна сте се бореле со кашлица која не престанува, природно е да се прашувате дали можеби сте имале Ковид-19 без да бидете свесни за тоа.

Па, дали можевте да добиете Ковид-19 без да знаете за тоа? Тоа е можно.

„Повеќето луѓе кои имаат коронавирус имаат некомплициран случај на инфекција и не се разликува од настинка или грип“, објаснува експертот за заразни болести Амеш А.Адалџа, научник во Центарот за здравствена сигурност на „Џонс Хопкинс“.

Покрај тоа, некои луѓе немаат никакви симптоми – до 40 проценти од инфекциите се, според проценките на Центрите за контрола и превенција на болести (ЦДЦ). Експертите велат дека некои знаци може да бидат сигнали дека можеби веќе сте имале Ковид-19.
Еве неколку од нив:

1. Сте биле „многу настинати“

На почетокот на пандемијата, луѓето веруваа дека Ковид-19 не започнал да се појавува во некои земји до крајот на февруари или март. Новото истражување на Универзитетот во Тексас го посочува спротивното. За истражувањето, научниците анализирале брисеви од грло земени минатата зима од луѓе кои се сомневале дека имаат грип. Овие брисеви беа земени во Вухан, Кина и Сиетл, Вашингтон. Истражувачите откриле дека на секои два случаи на грип, имало еден случај на Ковид-19. Како резултат, тие веруваат дека Ковид-19 веројатно пристигнал во САД околу Божиќ.

„Требаше подолго да се дојде во руралните области, па ако сте биле на фарма оваа зима и носот ви бил запушен, веројатно сте настинеле. Ако бевте во Њујорк или некој друг поголем град, ќе имаше поголема шанса да имате Ковид и да не сте знаеле за тоа“, вели д-р Шефнер.

Без тест, може да биде тешко да се направи разлика од настинка од лесна форма на Ковид-19, во зависност од тоа какви симптоми имаш, вели тој, но настинката обично не предизвикува отежнато дишење, сериозни главоболки или гастроинтестинални симптоми, што може да предизвика Ковид-19.

2. Во еден момент го губите чувството за мирис или вкус

Губење на сетилото за мирис и вкус е одлика на Ковид-19. Иако овој симптом не се јавува кај сите, д-р Адалџа посочува дека сега тој е цврсто поврзан со новиот коронавирус. Прелиминарните податоци од Американската академија за оториноларингологија откриваат дека кај пациенти со Ковид-19 кои го изгубиле чувството за мирис, 27 проценти имале „одредено подобрување“ во рок од околу седум дена, додека повеќето биле подобри за 10 дена.

Важно е да се знае: Можно е привремено да ги изгубите овие сетила за време на други респираторни состојби, како што се настинки, грип, синусни инфекции или дури и за време на сезонски алергии. Но, експертите истакнуваат дека овој симптом, дури и по закрепнувањето од Ковид-19, кај некои луѓе може да опстојува со месеци.

3. Необјаснето опаѓање на косата

Иако овој симптом не е широко распространет, многу луѓе кои се опоравиле од коронавирусот, пријавуваат проблеми со опаѓање на косата. Актерката Алиса Милано, која со месеци страдаше од симптоми на Ковид-19, на почетокот на август сподели видео на Инстаграм, каде што покажа со какво опаѓање на косата се соочува.

Сепак, малку е веројатно дека едноставно би изгубиле повеќе коса отколку вообичаено, без да имате други симптоми на Ковид-19, како што се кашлица или треска, вели д-р Адалџа. Исто така е важно да се напомене дека опаѓањето на косата може да се случи поради стрес, вели тој, а сите знаеме дека бевме под голем стрес поради пандемијата.
4. Останувате без здив

Студија објавена во списанието ЈАМА откри дека луѓето со коронавирус можат да ги почувствуваат ефектите на вирусот, вклучително и отежнато дишење. Не е целосно јасно зошто се случува ова или колку долго може да трае, но веројатно се должи на трајна пневмонија.

„Ова е еден од познатите долгорочни ефекти кај луѓето со дијагностициран Ковид-19″, вели д-р Шефнер. „Ако го чувствувате ова, можеби болеста што ја имавте претходно била всушност Ковид-19“.

Ако имате потешкотии со дишењето, јавете се кај вашиот матичен лекар или побарајте совет од пулмолог. Тие често можат да препишат лекови и третмани, како што се инхалатори, кои можат да помогнат, вели д-р Шефнер.

5. Кашлица што не престанува

Продолжената кашлица е уште еден симптом пријавен од луѓе кои учествувале во студијата во списанието „ЈАМА“. Кашлицата е често сува, што значи дека со неа не се појавува ништо, како слуз, вели др. Адалка.
Ова е прилично чест симптом: податоците на ЦДЦ откриле дека 43% од луѓето кои имале Ковид-19 сепак кашлале од 14 до 21 ден откако добиле позитивен тест за вирусот.

6. Навистина сте уморни

Според „ЈАМА“, ова е еден од најчестите долгорочни симптоми откако некое лице ќе преживее ковид-19. Ова го покажа и истражувањето кое откри дека 53% од пациентите рекле дека се борат против заморот дури 60 дена откако првпат ги почувствувале симптомите на вирусот.

„Гледаме некои луѓе кои имале лесна болест и кои сè уште се чувствуваат уморно некое време“, вели др. Адалџа.

Но, вели тој, во моментот не е сосема јасно зошто се случува ова. Може да биде начинот на кој имунолошкиот систем на лицето реагира на вирусот, или едноставно начинот на кој дејствува вирусот во телото.

Имајте на ум дека заморот е навистина чест проблем и може да биде знак на многу различни здравствени проблеми (вклучувајќи, се разбира, недоволен сон).

7. Имате необични симптоми кои се чини траат вечно

Експертите посочуваат дека Ковид-19 е сè уште нов вирус, па затоа лекарите и научниците се обидуваат да учат повеќе за тоа цело време. Истражувањата за трајните ефекти на вирусот се во тек и тешко е да се каже на лекарите во овој момент дека постоењето на одредени симптоми може да значи дека имате инфекција со Ковид-19, вели д-р Адалџа.

Се разбира, има многу други компликации за кои експертите можеби дури и не знаат. Ако се чувствувате лошо и симптомите ви се трајни, д-р Шефнер вели дека е добра идеја да бидете прегледани од лекар, без оглед дали мислите дека е поврзано со Ковид-19 или не, пишува „Prevention“.

Сепак, иако сите овие знаци може да бидат показател дека сте имале Ковид-19, тие исто така можат да бидат предизвикани од други болести.

„Секако е познато дека продолжената кашлица и замор можат да бидат резултат на грип – само затоа што ги имате не значи дека сте имале Ковид-19“, вели д-р Шефнер.

Во секој случај, важно е да продолжите да практикувате превентивни методи како што се носење маска, редовно миење на рацете и социјално дистанцирање кога можете, со цел да се заштитите себе си и другите.

ИЗВОР ЛОКАЛНО.МК