Од МВР информираат дека едно лице загинало во сообраќајна несреќа која се случила околу пладне на магистралниот пат Гостивар-Кичево.
„Во СВР Тетово, во 11 часот и 20 минути било пријавено дека на магистралниот пат Гостивар-Кичево, на потегот меѓу здуњска крстосница и наплатната рампа за Гостивар, товарно возило „миксер“ со гостиварска регистрација, што го управувало 52 годишниот Б.С. удрил во пешак А.М. на возраст од 31 година од Долна Бањица. Од повредите здобиени по ударот лицето починало на самото место“, соопштуваат од МВР.
За време на увидот што го вршеше екипа на ОВР Гостивар, сообраќајот на магистралата од патарина до здуњска раскрсница се одвиваше со регулирање. По увидот треба да станат појасни причините за несреќата и пешакот се нашол на коловозот.
