Заменик министерот за здравство Илир Хасани, побара од премиерот на Албанија, Еди Рама, да и помогне на Северна Македонија со вакцините против Ковид 19. Во едно интервју, Хасани рече дека бројот на вакцини во Албанија значително се зголеми во последно време , затоа бара од властите во Тирана да испратат количество вакцини во Северна Македонија, која има недостиг од снабдување.
-Јас не го велам ова случајно, но го велам затоа што секој ден што доцниме со вакцинацијата значи повеќе болести и поголема загуба на живот. Проблемот е поголем отколку што мислиме. Прашањето на вакцините е глобален проблем и потребен е сериозен пристап не само тесно дефиниран од поединци, туку ќе мора да има и поширок пристап, затоа мора да има меѓусекторски пристап и меѓудржавен пристап. Видовме дека некои од земјите на ЕУ исто така испратија писмо до Европската унија во кое се вели дека механизмот Ковакс создава нееднаквост помеѓу земјите и побара од ЕУ да помогне во остварувањето на еднаквоста, рече Хасани
