Жител на Тетово бил приведен од полицајци откако бил затекнат како го прекршува полицискиот час, а притоа агресивно се однесувал кон службениците на МВР. Полицајците го затекнале вчера околу 23 часот на улицата „111“ во Тетово.
-Полициски службеници на СВР Тетово лишиле од слобода 42-годишен тетовец, кој агресивно се однесувал и ги навредувал, а ја прекршил и забраната за движење. Тој бил задржан во Полициската станица Тетово за расчистување и документирање на случајот, по што ќе му бидат изготвени соодветни поднесоци, инфомира портпаролот на СВР Тетово, Марјан Јосифоски.
За неносење на заштитни маски на 38 лица полициските службеници им изготвиле платни налози поради прекршување на владината уредба за заштита во време на пандемија.
