Претседателот на организацијата на БСП во Софија, Калојан Паргов соопшти дека неговата партија ќе го врати мандатот за формирање на нова бугарска влада.
Како што јави дописникот на МИА од Софија, предлогот беше поддржан со 108 гласа „за“ и пет воздржани.
На 5 мај, Бугарската социјалистичка партија веднаш ќе го врати мандатот за формирање на нова бугарска влада, отворајќи му пат на претседателот Румен Радев да го распушти парламентот и да распише предвремени парламентарни избори само еден месец по регуларните избори во Бугарија на 4 април.
Бугарскиот претседател Румен Радев со указ ќе го распушти 45-то Народно собрание и ќе објави формирање на привремена влада, која ќе има една главна задача – да ги организира и спроведе предвремените парламентарни избори во Бугарија.
Некои бугарски медиуми веќе шпекулираат дека предвремените парламентарни избори може да се одржат на 11 или 18 јули.
