Семејниот кластер досега заразил 8 лица, откако претходен еден член од семејството бил позитивен, а вирусот од кластерот од свадбата се шири од минатата недела.
Непочитувањето на мерките и протоколите е главната причина за брзата трансмисија на болеста, откако во тетовско подолг период имавме стабилна состојба. Свадбите и веселбите се одржуваат, но ретко кој почитува протоколи, изјави д-р Сузана Субашиќ епидемиолог во Центар за јавно здравје.
А тетовци како да заборавија на вирусот, дистанцата ја нема, а во затворен простор ретко кој носи маска. Дел од граѓаните сметаат дека надлежните треба можеби да размислат за построги мерки.
Пандемијата не е завршена треба голема претпазловост и лична одговорност.
-Ширењето на заразата се уште е резултат и на криење на контактите,додаде д-р Сузана Субашиќ епидемиолог во Центар за јавно здравје Тетово
По стабилизација на состојбата, тетовскиот регион повторно е на врвот по бројот на позитивни од КОВИД 19. Од активни шеесетина случаи, над 50 се заразија за една недела.
