Се намалува интересот за вакцинација во тетовско

0
26

Се намалува интересот за вакцинација во тетовско, велат надлежните. Оттаму апелираат граѓаните масовно да се имунизираат во спортската сала на медицинското училиште во Тетово, каде се инјектираат вакцини со и без закажан термин.

Дека интересот за вакцинација е намален говори и бројот на заинтересирани на дневна основа. Ако пред еден месец имавме до 1000 луѓе кои се вакцинираа во спортската сала на медицинското училиште во Тетово, деновиве интересот е намален двојно.

Од Здравствениот дом Тетово најавуваат дека наскоро ќе започне вториот круг на теренската вакцинација по тетовските села, односно ревакцинирањето.

Инаку имунизацијата моментално се одвива со и без закажан термин во спортската сала на медицинското училиште во Тетово, објект кој е и регионален центар за имунизација.

Досега во вакционалниот пункт во Тетово околу 21 илјади луѓе примиле две дози вакцини, а една доза имаат добиено над 5000 граѓани.