При судар на еден од скијачките терени на Попова Шапка се повредени две лица, соопшти тетовската полиција. Според полицијата, едното лице е малолетник, а другото е вработен на Попова Шапка.
Малолетникот од Косово вчера додека скијал удрил во моторна санка што ја управувал вработен во фирмата што стопанисува со скијачкиот центар, соопшти СВР Тетово. И двете лица се повредени и пренесени во Клиничката болница Тетово за укажување лекарска помош, информира Марјан Јосифоски, портпарол на СВР Тетово.
Се преземаат мерки за расчистување на случајот, велат од тетовската полиција.
