Директорката на Гимназијата „Кирил Пејчиновиќ“ од Тетово, Теута Лала, која беше разрешена од функцијата од страна на Локалната самоуправа излезе со реакција на оваа одлука.
Според Општина Тетово разрешувањето е врз основа на констатирани бројни финансиски прекршоци кои се наведени во резвизорскиот извештај, но според Лала, истото е незаконско.
Таа вели дека ревизијата била селективна, затоа што е извршена само за време на нејзиниот мандат.
Од Општината додаваат дека преку овластениот адвокат има поведено и постапка за констатирање на законските прекршоци што ги направил директорот.