„Соседите слушнале како некој вика на улица, а кога излегле го нашле. Трчал повреден“, вели Р.Л., жител на Радоево, селото во Србија каде момче (13) со секира го нападна В.С.(57). синоќа околу два часот по полноќ и нејзиниот син М.С (17).
Како што неофицијално дознава „Блиц“, младиот М.С.(17) бил пронајден на улицата Маршал Тито, со убодни рани на стомакот. Со повреди на главата во куќата била пронајдена неговата мајка В.С.
„Со секира биле нападнати од момче (13) од Радоево. Во Ургентниот центар на болницата во Зрењанин кај мајката и синот се констатирани тешки телесни повреди опасни по живот“, вели изворот на „Блиц“.
Според локална жителка, која ги познава В.С. и нејзиниот син М.С., на седумнаесетгодишното момче му била отстранета слезината, а му биле оштетени црниот дроб и белите дробови. Таа вели дека повреденото момче истрчало по улицата и паднало пред куќата на соседот.
„Го пронајдоа соседите. Седеле во дворот кога слушнале како некој вика на улица. Кога излегоа го најдоа“, вели жената.
„Пред два дена тоа момче беше кај другарот и мајка му, која сега ја повреди. Никој не знае што го опседнало да направи вакво нешто. Никој во селото нема добро мислење за него, а се зборува дека има повеќе од 20 пријави во полиција. Но, напаѓачот е се уште дете и не одговара пред законот… – изјавил за српскин Информер еден од соседите на повредената жена и нејзиниот син.
Како што појасни, малолетниот насилник претходно бил во Дом за деца, но бабата и дедото го извлекле.
Живееше тука со нив, крадеше и правеше глупости низ селото. Јас лично немав проблеми со него, но имаа други соседи. Тој живее недалеку од куќата каде што го предизвикал крвопролевањето. Слушнав дека дошол со секира и нож. Не знам каде е пронајдена В.С., но нејзиниот син бил на улица во локва крв. Велат дека тој толку тешко повреден успеал да повика полиција или брза помош – вели соговорникот на Информер од селото Радоево.
Како што неофицијално дознава „Блиц“, таткото на малолетното момче К.Л.(31) е приведен за кривично дело запуштање и малтретирање малолетно дете. Во редовната постапка кривична пријава ќе биде поднесена и против Н.Т.(32), мајка на малолетното момче, за сторено кривично дело запуштање и малтретирање малолетно дете.
