Европската унија денеска презеде важен чекор во усвојувањето на првиот голем закон кој ќе ја регулира вештачката интелигенција и потенцијално ќе постави модел за регулирање на софтверот за вештачка интелигенција ширум светот.
Европскиот парламент усвои нацрт-закон познат како „А.И. Act“, кој поставува нови ограничувања на она што во моментов се смета за „најризично“ користење на технологијата.
Што значи „Закон за вештачка интелигенција“?
Новиот акт строго ја ограничува употребата на софтвер за препознавање лица, додека бара од производителите на софтвер за вештачка интелигенција, како што е ChatGPT, да откријат повеќе за податоците што се користат за обука на нивните програми.
Нацртот бара од издавачите на софтвер за вештачка интелигенција да ги направат своите системи потранспарентни, вклучително и објавување резимеа на материјалот заштитен со авторски права што се користи за обука на овие системи. Овој предлог беше поддржан од издавачката индустрија, но технолошките гиганти се противат и наведуваат дека е технички неостварлив.
Креаторите на генеративните системи за вештачка интелигенција, исто така, се очекува да воспостават заштитни мерки за да се спречи софтверот да генерира нелегална содржина.
Главниот фокус на новиот предлог е на апликациите со најголем потенцијал за штета. Ова првенствено се однесува на системи кои користат софтвер за вештачка интелигенција за управување со критична инфраструктура, како што се енергијата и водата.
Дополнително, предлогот се однесува и на софтверот што се користи во правниот систем, како и софтверот за пристап до јавните услуги.
Извор Фактор
