Пригожин во опасност?
Американскиот претседател Џозеф Бајден изјави денеска дека основачот на руската приватна воена компанија „Вагнер“, Евгениј Пригожин, може да е во опасност.
Бајден рече дека Пригожин можеби е во опасност бидејќи минатиот месец се обидел да се побуни во Русија.
„Би внимавал што јадам. Би внимавал на менито“, рече Бајден на прес-конференција во Хелсинки.
Блумберг наведува дека шегата на Бајден алудирала на, како што се истакнува, „руските безбедносни служби користат нервни агенси и полониум за да ги убијат политичките непријатели на Владимир Путин“.
Бајден рече дека светските лидери на самитот на НАТО во Вилнус разговарале не знаејќи каде се наоѓа Пригожин и како бунтот може да влијае на руските операции во Украина и на иднината на Вагнер групата.
Пригожин замина за Белорусија по востанието, но Кремљ оваа недела соопшти дека Путин одржал тричасовен состанок со лидерот на Вагнер групата и други команданти пет дена по бунтот на 24 јуни.
