Американските трупи во Сирија беа цел на беспилотни летала, но нема информации за повредени, изјавија двајца американски официјални лица, кои сакаа да останат анонимни. Тие додаваат дека нападот се случил во базата Ал Танф, на сириската граница со Ирак и Јордан.
Минатата недела, два беспилотни летала ја нападнаа воздухопловната база Ал Асад во западен Ирак, додека друго беспилотно летало нападна база во северен Ирак, изјави американски претставник за Асошиејтед прес.
Американските сили ги пресретнаа сите три беспилотни летала, уништувајќи два од нив. Сепак, третиот дрон беше само оштетен, што доведе до полесни повреди меѓу коалициските сили.
Ирачките милиции, поддржани од Иран, упатија закани против американските објекти како одговор на американската поддршка за Израел.
Vecer.press
