Две лица смртно настрадале за време на викендот во невреме во Бугарија и Романија, кое предизвикало уривање на дрвја и прекин на електричната енергија на брегот на Црно Море.
Во саботата вечерта 43-годишна жена на смрт ја згмечило стебло во источниот град Варна, објави бугарската полиција. Повредени се и двајца спасувачи на кои паднале искршени гранки.
Во Софија загинал 65-годишен возач кога на автомобилот во кој се наоѓал паднало дрво. Неговата сопруга е хоспитализирана во тешка состојба.
Иако денес временската ситуација во главниот град се смирува, источна Бугарија и понатаму е изложена на силни ветришта, кои дуваат со брзина поголема од 100 км/ч, и морски бранови поголеми од пет метри.
Приморскиот град Варна прогласи вонредна состојба, како и уште осум места во регионот, а жителите се замолени да останат дома.
Снежен хаос владее и на североистокот на земјата, од каде полицијата примила десетици повици на возачи во неволја. Прекинати се воздушниот и железничкиот сообраќај.
Истото невреме ја погоди и соседна Романија. Таму за пловење се затворени црноморските пристаништа. Метеоролошката служба издаде највисоко, црвено предупредување за покраините Констанца и Тулцеа. Таму без електрична енергија останале десетици илјади домови, а пожарникарите отстраниле 140 стебла кои паднале на патиштата. Оштетени се четириесетина возила.
On Nov 18, 2023 it snowed heavily over mountainous and eastern parts of Romania with multiple reports of wind damage, road closures and accidents ❄️
The map below shows the depth of snow at 8 pm (local time) on Nov 18, 2023. pic.twitter.com/0BFUNRrYj8
— Thunder26 (@Thunder261) November 19, 2023
