Претседателот на Советот на Општина Тетово Бесарт Дурмиши вели дека советот веќе има донесено одлука за отпочнување со работа на новата градинка во дворот на Основното училиште Кирил и Методиј во Тетово, но истата се уште не е функционална, затоа што владата прави дневни политики.
„Претходната министерката за труд и социјална политика правеше дневни политики, таа не одобруваше вработување на персонал. Тие работни места можеа да се одобрат, затоа што ние и како совет донесовме одлука дека тие работни места можеме да ги покриеме со нашиот буџет, но досега немаме зелено светло за вработување. Јас очекувам после 8 мај да се решат проблемите“, рече Бесарт Дурмиши претседател на Советот на Општина Тетово.
Новата градинка во Тетово лоцирана непосредно до Основното училиште „Кирил и Методиј“ изградена пред една година зјае празна, без дечиња. Техничкиот министер за труд и социјална политика Ѓоко Велковски месецов оствари средба сретна со раководството на детската градинка „Младост“ Тетово. Тој исто така кажа дека градинката нема персонал оти се чека согласнот за нови вработувања, но сега законот за избори како што рече тоа не го дозволува.
Поради немање доволно персонал, но и просторни услови речиси 300 деца од Тетово се на листата на чекање за прием во градинка, а состојбата е слична и на ниво на цела држава.
Од детската градинка „Младост“ Тетово, велат дека за да почне да функционира со вкупно десет групи колку што е предвидено треба да има вработено најмалку 30 луѓе.
Извор СП
