Покажувајќи видео снимки од изјавите на министерката за култура, од надзорот и од изведувачот на Универзална сала, градоналничката Данела Арсовска обвини дека објектот почнал да се гради, за што Град Скопје како негов сопственик не ниту информиран и известен за отпочување на градежни активности.
Арсовска постави десетина прашања до министерката Бисера Костадиноска Стојческа обвинувајќи ја дека излажала се што изјавила во врска со Универзалната сала.
Таа изјави дека дознала за пожарот пред 9 часот и дека објектот бил осигуран. Противпожарната бригада на Град Скопје информира дека пожарот е проијавен од случаен минувач во 9.50 часот, а тие биле на терен во 9.55 часот и со 24 пожарникари и девет возила, пожарот бил локализиран.
Лице кое се претстави како сопственик на компанијата „Универзал Балкан“ фирмата која ја реконструрира Универзална сала е присутно на објектот и кажува, цитирам дека „немало никаква дешаванка“ со тоа што немало интервенции на објектот и претпоставува дека причина за пожарот е стар кабел или стара инсталација. Да резимираме, во земјава старите кабли се причина за сите пожари.На 10 април, се коментира дека надзорот изјавил дека градбата е влезена во втора фаза без потпишан договор за тоа – рече Арсовска.
Таа праша зошто министерката за култура не го пријавила пожарот ако осознала за него пред девет часот и зошто работниците на фирмата се обиделе да го гаснат пожарот и откако не го локализирале, дозволиле истиот да се прошири и не пријавиле ниту побарале помош од Противпожарната бригада во Скопје.
Врз основа на што се темели изјавата на изведувачот дека причина за пожарот е стар кабел или инсталација? Каде работниците внатре во објектот започнале да го гасат овој пожар?
Врз основа на кој проект е продолжено да се реконструира Универзална сала во Скопје? Врз основа на кое мислење за стабилност и сеизмичка заштита се реконструира објектот? Кој е управителот на градба на Универзална сала во моментот на опожарување и кој е надзор на градба во моментот на опожарување? Каде, кога и од кого е осигуран објектот на Универзална сала, на која вредност и на кој случај на настанување на штета?
Не добивме одговор на овие прашања како Град Скопје и како сопственици на Универзалната сала – додаде градоначалничката.
