ДАРИЈАН СОТИРОВСКИ ПОДНЕСЕ ПРЕТСТАВКА ДО ДРЖАВНАТА КОМИСИЈА ЗА СПРЕЧУВАЊЕ И ЗАШТИТА ОД ДИСКРИМИНАЦИЈА, ПРОТИВ ГРАДОНАЧАЛНИКОТ КАСАМИ И ОПШТИНА ТЕТОВО.
ПОДОЛУ Е ЦЕЛОТО ОБРАЗЛОЖЕНИЕ НА СОТИРОВСКИ КОЕ ЈАВНО ГО ОБЈАВИ НА НЕГОВИОТ ФЕЈСБУК ПРОФИЛ.
❗️Утрово како граѓанин поднесов претставка до Државната комисија за спречување и заштита од дискриминација, против Општина Тетово и Градоначалникот, а во врска со настанот на 12.04.2024 година на тетовскиот Градски стадион.
Сметам дека јас и жителите со македонска национална припадност сме дискриминирани по основ на потекло, национална припадност и јазик.
Имено, како граѓани имаме рамноправно право за политиките, проектите и настаните на Општината во кои учествуваме преку плаќањето даноци да бидеме информирани на македонски јазик. На настанот да се чувствуваме добредојдени, нашата култура да е подеднакво претставена, покрај останатите да има изведувачи и Македонци, водителот да говори и на македонски јазик, да се виори македонското знаме и да се интонира македонската химна. На ревијалниот натпревар да учествуваат фудбалски ветерани и Македонци и да бидат удостоени и македонските фудбалски клубови. Постапувањето на Општината е дискриминирачко и ги сегрегира граѓаните.
Убеден сум дека големото мнозинство жители на Тетово од различна припадност се согласуваат дека градот може да оди напред само кога е пријатно место за живеење на секој еден човек. Но, мора да се согласиме дека тука има и нелуѓе, и нив мора енергично и постојано да ги разобличуваме, напиша СОТИРОВСКИ кој воедно е и претседател на Комисијата ЗС верски односи и религиозни групи
