Скелет пронајден минатото лето во подрум во куќа во бриселската населба Форест му припаѓал на македонскиот државјанин Реџеп Рахмановски, утврдија Форензичарите. Рахмановски, се води како исчезнат од 2003 година, соопшти белгиската Федерална полиција.
Скелетот бил пронајден при реновирање на куќата во јули 2025 година, по што е предаден на форензичка анализа.
По неговата анализа е утврдено дека тој му припаѓа на Рахмановски, роден во Македонија во 1976 година.
Според полициското досие, Рахмановски последен пат бил виден вечерта на 16 јули 2003 година, кога го напуштил своето работно место. Оттогаш му се губи секаква трага и сè до идентификацијата на неговиот скелет полицијата немала никави сознанија што се случило со него.
