Голем пожар претпладнево зафати објект во населбата Карпош 4 во Скопје. Од местото на пожарот се издигаат густи облаци црн чад што се гледаат од повеќе делови на градот.
Очевидци велат дека пламенот за кратко време зафатил објект, односно магацин на фабрика, а низ населбата се шири силна миризба на горење. Вознемирени граѓани јавуваат дека над Скопје кружат и хеликоптери.
Во моментов нема информации за евентуално повредени лица, ниту за причината за избувнувањето на пожарот. Очекувањата се дека противпожарните екипи и надлежните институции ќе дадат повеќе детали во текот на денот.
Висео: Скопје1
