Силен земјотрес со јачина од 7,3 степени според Рихтеровата скала ја погоди островската држава Вануату, со епицентар близу главниот град Порт Вила, објави Американскиот геолошки институт.
Од силината на земјотресот неколку згради биле срамнети на земја, а зафатен бил и комплекс со повеќе конзуларни претставништва. На делови од островот кратко време постоела опасност од цунами, која набрзо била отстранета.
CCTV footage of 7.4 Earthquake in Port Vila, Vanuatu
December 17, 2024 #earthquake #Vanuatu #terremoto #sismo pic.twitter.com/0MJWyhepga— Disasters Daily (@DisastersAndI) December 17, 2024
Новинарот Дан МекГери кој живее во Порт Вила, за Би-би-си истакна дека видел повеќе луѓе кои очигледно биле повредени во болничкиот ургентен центар од овој земјотрес, што според него е најсилен во последните 20 години.
Итната помош долго време ќе биде со полни раце работа – истакна МекГери кој додаде дека од полицијата го информирале дека досега има една жртва од земјотресот, но очекуваат бројот на загинати да се зголеми во текот на денешниот ден.
🇻🇺 #BREAKING A powerful 7.4 magnitude earthquake struck Vanuatu on December 17, 2024, causing damaged US Embassy
Initial reports indicate significant damage to infrastructure, homes, and buildings.#earthquake #Vanuatu pic.twitter.com/GjUUGdYGNa
— Deepak (@Deepak21939172) December 17, 2024
Точниот број на жртви засега е непознат, а објавени се слики и видеозаписи од штетите на сите социјални мрежи, каде може да се видат штетите предизвикани од земјотресот.
