Администрацијата на американскиот претседател Доналд Трамп соопшти дека ќе испрати 2.000 војници на Националната гарда во Лос Анџелес по вториот ден од судирите меѓу граѓаните и имиграциските агенти за време на рациите на локални бизниси за кои постои сомневање дека се вработени илегални мигранти.
Овој потег означува голема ескалација во обидот на Трамп да ја запре илегалната имиграција, објави ЛА Тајмс.
🚨 #BREAKING: Rioters are now attempting to BURN DOWN BUILDINGS in Los Angeles as darkness falls
NATIONAL GUARD NEEDS TO STEP IT UP!
The streets are TOTAL ANARCHY.
pic.twitter.com/aUwKSoZSRk— Nick Sortor (@nicksortor) June 8, 2025
Гардата претходно беше распоредена во Лос Анџелес за време на раширени граѓански немири, вклучително и протестите во 2020 година по убиството на Афроамериканецот Џорџ Флојд.
Белата куќа во саботата објави дека Трамп ја распоредува Националната гарда во Лос Анџелес за „да се справи со беззаконието“ што се прошири во Калифорнија, објави АП.
Претседателот на САД претходно се закани дека федералната влада ќе интервенира и ќе го реши проблемот „доколку гувернерот на Калифорнија, Гавин Њусом, и градоначалничката на Лос Анџелес, Карен Бас, не можат да си ја работат работата, за која сите знаат дека можат“.
Гувернерот на демократите, Гавин Њусом, редовна цел на нападите на американскиот лидер, ја осуди одлуката како „намерно провокативна“.
