Американскиот претседател Доналд Трамп изјави дека прекин на огнот не е неопходен предуслов за да се постигне мировен договор меѓу Украина и Русија. На заедничката прес-конференција со украинскиот претседател Володимир Зеленски во Белата куќа, Трамп кажа дека мировен договор може да се работи и додека борбите продолжуваат.
„Не мислам дека ви е потребен прекин на огнот“, рече Трамп, додавајќи дека иако прекинот на огнот е „добар“, тој разбира зошто една од страните можеби не го сака од стратешки причини.
