Денес во Белград ќе се одржи воена смотра под името – „Силата на единството“, по повод чествувањето на Денот на српското единство, слобода и националното знаме.
Министерството за одбрана објави дека во парадата ќе бидат вклучени приближно 10.000 учесници, ќе бидат демонстрирани околу 2.500 парчиња оружје и воена опрема, преку 600 возила, 70 летала и 20 пловни објекти.
Во составот на воздухопловните единици ќе земат учество сите типови авиони, меѓу кои МиГ-29, „Орел“, Ц-295 КАСА, Ми-35М и Х-145.
Меѓу разновидното вооружување и воена опрема, ќе бидат изложени противвоздушни ракетни системи „ФК-3“ и HQ-17, современи радари ГМ400, оклопни борбени возила „Милош“, „МРАП“, „Лазар 3“, „Хамер“ и БОВ ОТ.
Публиката ќе има можност да види модернизирани тенкови M-84 AS1/2/3, усовршени пешадиски борбени возила M80 AB1/2, самоодни хаубици NORA од 155 мм, како и модернизирани противвоздушни системи PASARS, беспилотни летала, извидувачки и борбени дронови.
За прв пат ќе биде претставен повеќецевниот ракетен лансер со голем дострел PULS, набавен од Израел, беспилотни летала од истата земја, дронови и руски системи за антиелектронско војување и попречување на беспилотни летала „Красуха“ и „Репелент“.
