Романскиот владика Теодосије синоќа ја повтори велигденската литургија за оние кои не можеле да присуствуваат на неа во април, поради изолационите мерки воведени за пандемијата на „ковид-19“.
Теодосиј изјавил дека ја повторува литургијата за православните верници кои биле спречени поради пандемијата да учествува на 19 април.
Тој ги извршил главните делови од обредот и ги причести верниците со заедничка лажица и покрај здравствените предупредувања.
Свечената церемонија, која медиумите ја нарекуваат Велигден 2,0, привлече мал број верници во катедралата во Констанца и неколку луѓе во другите цркви во епархијата во градот на Црното Море.
Патријархот на романската православна црква рече дека Теодосиј дејствувал автономно и дека велигденските литургии биле изведени без верници заради здравствениот ризик.
Сепак, не се зборува за какви било санкции за постапките на владиката, а тој и претходно бил познат по извршувањето на својата волја.
Околу четири петтини од Романците се православни.
