Трендот на нови случаи се движи од Аризона, Тексас до Калифорнија, иако има драстичен скок во Флорида, Џорџија и Јужна Каролина.
САД одбележаа неславен рекорд со нови 47.000 случаи на Ковид-19, најголемо зголемување на ново заразени во еден ден од почетокот на пандемијата.
Трендот на нови случаи се движи од Аризона, Тексас до Калифорнија, иако има драстичен скок во Флорида, Џорџија и Јужна Каролина.
Растечкиот број на позитивни случаи на коронавируст ширум САД го принуди д-р Ентони Фаучи, шеф на Националниот Институт за алергии и инфективни заболувања, пред сенатската комисија да предупреди дека актуелната стапка на нови инфекции може да се удвои на 100.000 дневно, ако не запре моменталниот тренд.
„Очигледно, засега сме надвор од контрола“, рече д-р Фаучи. Предупреди дека фокусот врз сојузните држави коишто минуваат низ најголем скок од нови случаи ја става „под ризик целата држава“.
Во време кога д-р Фаучи сведочеше на Капитол Хил, на гувернерите од Њујорк, Њу Џерси и Конектикат им се придружија уште осум сојузни држави – Калифорнија, Џорџија, Ајдахо, Ајова, Луизијана, Мисисипи, Невада и Тенеси на претходната листа, чии посетители мора да бидат ставени во задолжителен 14-дневен карантин.
САД водат во светот со 2,6 милиони нови случаи, вклучувајќи и 127.000 жртви. Засега, САД се исклучени од листата на земји чии државјани може да влезат во ЕУ.
