Србија започна со поставување жичана ограда на границата со Северна Македонија во близина на Прешево, што треба да спречи евентуални масовни нелегални гранични премини, потврдија за Радио Слободна Европа претставници на локалната самоуправа во Прешево. Шиприм Арифи, претседател на општина Прешево на југот на Србија, на 380 километри оддалечен од Белград, РСЕ рече дека изградбата на жичаната ограда е дел од договорот со Европската унија. „Сметаме дека оградата е во функција на дополнително обезбедување на границите на државите надвор од ЕУ од бегалците“, рече Арифи.