Не стивнуваат реакциите во јавноста откако повеќе српски медиуми објавија дека познати пејачи, актери и спортисти биле на платен список кај Вељко Беливук, многу попознат како Веља Невоља.
На линија со уапсениот водач на криминалната група биле и политичари од власта, но и од опозицијата, вели Светозар Света Вујачиќ, советникот на министерот за внатрешни работи Александар Вулин.
Вујачиќ рече дека некои актери, спортисти и пејачи контактирале со нарачателот на бруталните убиства и дека јавноста буквално ќе биде шокирана кога ќе се дознаат нивните нивните имиња.
Засега, сепак, тој не можеше да го открие идентитетот на никого од списокот на познати личности затоа што, како што вели, се води истрага за нивните контакти и се собираат податоци со цел виновниците да бидат повикани на одговорност.
„Овие документи се чуваат како строго доверливи, и во оваа фаза, именувањето на кој било од пријателите на Беливук би наштетило на истражната постапка“, посочува Вујачиќ.
