Припадници на српското МВР го уапсиле Урош Б.(2002), кој убил осум лица, а ранил 14. Како што наведуваат од српската полиција, откако го извршил убиството, тој запрел таксист и го принудил да го однесе во селото Вињиште кај Крагуевац, каде што полицијата го уапсила.
Со претрес на викендицата што ја користел осомничениот во Шевшин, полицијата пронашла пиштоли, ловечки нож и други делови од оружје, 164 куршуми со различен калибар, четири рачни бомби, неколку кутии муниција, рамка за пиштол, како и автоматска пушка без фабрички број.
Во акцијата учествуваа повеќе од 600 полицајци. Понатамошната работа на полицијата и обвинителството е во тек.
Извор С.П
