На паркинг на фабрика во Тетово, мајка на жена од Албанија, мажена за скопјанец, заедно со уште тројца луѓе, насила ја грабнале и ја одвеле несудената невеста. Случајот во полиција го пријавил 36-годишниот скопјанец.
„На 17.06.2023 во 01.45 часот во Полициска станица Тетово Ј.Р.(36) од Скопје пријавил дека на 16.06.2023 околу 21.45 часот на паркинг пред фабрика во тетовско каде работеле заедно со неговата невенчана сопруга К.Т.(27) од Р.Албанија со престој во Тетово, К.Т. од страна на нејзината мајка Б.Т. и три други лица со употреба на сила била принудена да замине со возило со нив“, се вели во пријавата.
Од полицијата велат дека преземаат мерки за расчистување на случајот.
