Четириесет и четиригодишната И.К., која утрово околу 6:45 часот беше тешко ранета во населбата Расадник во Крушевац, кога во неа пукал нејзиниот љубовник Зоран Р.(52), е пренесена на лекување во УКЦ Ниш, а прогнозите за нејзината состојба се крајно неизвесни.
Како што објави „Новости“, несреќната жена се здобила со прострелна рана од огнено оружје во главата и нејзиниот живот е во опасност.
– Добивме повик во 6 часот и 45 минути дека, според очевидци, било пукано во жена – изјави за „Новости“ д-р Марија Балтиќ, началник на Итната помош во Крушевац. Откако екипата излезе на терен, затекнавме женско лице со прострелни рани во главата во многу тешка состојба опасна по живот. Нашиот тим изврши итна помош на лице место и ја пренесе пациентката во хируршкото одделение во Општата болница во Крушевац. Брзата помош повторно била на терен околу 8:30 часот, овој пат на патот Јасика-Кукљин, каде било пронајдено безживотното тело на уште една жена, В.Р.(49), сопругата на Зоран Р.
Состојбата е стабилизирана, но пациентката е во исклучително критична состојба и таа е транспортирана во УКЦ Ниш.
Од полицијата во Крушевац наведуваат дека утринава по пријава на граѓанин дека на улицата имало пукање, веднаш излегле на местото на настанот, каде затекнале четириесет и четиригодишна жена со повреди на главата кои наводно и биле нанесени од педесет и двегодишен маж со истрел од пиштол.
-Се сомнева дека на пат кон Трстеник со истиот пиштол ја убил својата педесетгодишна сопруга, а потоа во својот автомобил се самоубил. Четириесет и четиригодишната жена е пренесена во Крушевачката општа болница со повреди опасни по живот, соопшти СВР Крушевац.
Оружјето кое било пронајдено во автомобил на педесет и двегодишен маж било нелегално, а тој досега не е пријавен во полиција за семејно насилство.
Таткото на убиецот и самоубиец од околината на Крушевац вели дека било доцна кога го слушнал истрелот.
Бевме во Велика Дренова, работевме околу калеми, кога син ми ми се јави и рече дека „ги средил и двете и оти себе си ќе се среди“.
Не верував што ми кажува, а тргннал да не пресретне од Крушевац, се сретнавме по пат, ми даде хартии, потврди дека земал кредит. Отидов во Милутовац со трактор, а тој возеше кола зад мене, кога се свртев видов дека е на телефон и замавна со раката да продолжам. Не отидов многу далеку кога го слушнав истрелот. Се вратив назад, но веќе се беше готово…, рекол таткото на убиецот за „Новости“
