Новиот сој на коронавирусот веќе е откриен во осум европски земји, кажа регионалниот директор на Светската здравствена организација за Европа Ханс Клуге.
„Осум земји во европскиот регион на СЗО досега ја идентификуваа новата варијанта на ковид-19 наречена ВОЦ-202012/01“, напиша Клуге на Твитер.
Според него, новиот сој на вирусот се шири и меѓу помладата популација, за разлика од претходните варијанти.
Клуге повика на претпазливост додека се водат истражувањата за неговите ефекти, како и на јакнење на постоечките заштитни мерки како што се физичката дистанца и носењето заштитни маски.
Новиот сој на коронавирусот беше идентификуван во Британија на 14 декември.