Кинеско вселенско летало без екипаж успешно слетало на површината на Марс, објави државната новинска агенција Ксинхуа, со што Кина стана втора земја по САД што слета на Црвената планета.
Вселенското летало Тијанвен-1 (Небесно прашање) слета на јужниот дел на голема рамнина позната како Утопија Планитија, „оставајќи кинеска трага на Марс за прв пат“, соопшти агенцијата.
Вселенското летало тешко пет тони беше лансирано од јужниот кинески остров Хаинан во јули минатата година, а по повеќе од шест месеци патување, Тијанвен-1 стигна до Црвената планета во февруари, каде оттогаш е во орбитата.
Роверот со соларен погон Zhurong, кој има шест научни инструменти, вклучително и топографска камера со висока резолуција, сега ќе ја проучува површината и атмосферата Марс.
Журонг, именуван по митскиот кинески бог на огнот, исто така ќе бара знаци на живот, вклучувајќи ги и сите подземни води и мраз, користејќи радар за почва
https://youtu.be/k8sdQMKWVbI?t=1 .
Кинескиот претседател Си Џинпинг им честита на сите што учествуваа во мисијата.
„Вие бевте доволно храбри да предизвикате, да се стремите кон одличност и да ја сместите нашата земја во напредните редови на истражување на планетите. Вашето извонредно достигнување засекогаш ќе биде врежано во сеќавањата на татковината и народот“, рече тој.
