Опозицискиот СДСМ денеска во 11 часот ќе одржи конгрес на кој ќе се анализира изборниот резултат од последните локални избори, во услови на засилени внатрепартиски тензии и јавни критики кон раководството.
На конгресот се поканети и поранешните лидери на СДСМ, Зоран Заев и Владо Бучковски, додека покана не добил Бранко Црвенковски, кој претходно го замрзна своето членство во партијата.
Денешниот конгрес се оценува како клучен момент за идната насока на СДСМ, бидејќи треба да покаже дали партијата ќе успее да ги надмине внатрешните поделби и да изгради јасна политичка стратегија по изборните неуспеси и критиките што со месеци се слушаат во јавноста.
