Со двајца адвокати актуелниот член на Судскиот совет, Зоран Теофиловски, кого полицијата го бараше поради сомневања за злоупотреба на функцијата во општина Тетово, утринава самоволно се пријавил во Кривичниот суд. Но, распитот не се одржа, бидејќи тој се повикал на судскиот имунитет, кој го има од 2007 година кога стана судија во гостиварскиот Апелационен суд, потврдуваат обвинителството и судот.
„Во однос на новонастанатaта ситуација, согласно одредбите од Законот за кривична постапка, судот со писмо го извести Судскиот совет на РСМ како надлежен орган и ја одложи седницата за произнесување во однос на предлогот за притвор до конечна одлука на советот“, соопштија од Основниот кривичен суд.
По една година во Судскиот совет, сега колегите – членови на Теофиловски ќе треба да одлучат за неговиот имунитет. За да му биде одземен треба да се согласат најмалку седум од нив и тоа во следниве 24 часа. Тој е главен осомничен во Обвинителството за организиран криминал и корупција за малверзации со приватизација на државно земјиште.
