Со коронавирус во континентална Кина се заразени нови 427 лица, што е повеќе од еден ден претходно кога имаше 327, известија денес кинеските здравствени власти.
Така, вкупната бројка на заразени во континентална Кина достигна 79.251 лица. Вчера од последици на заразата со вирусот Ковид-19 почина 47 луѓе, а досега во тој дел на светот починаа 2.835 лица.
Кога ќе се одземат податоците од тој најтешко погоден регион, на подрачјето на цела Кина се забележани само четири нови случаи на заразата денес, што е најниска бројка откако кинеските здравствени власти започнаа да собираат податоци. Јужна Кореја која засега има 3.150 случаи на заразата се бори со најголемо ширење на вирусот надвор од Кина. Бројот на починати во оваа земја се искачи на 17.
