Револт на жителите на улицата 10 во Арачиново предизвикан од 50-дневен недостаток на електрична енергија. Тие се собраа пред канцелариите на ЕВН во Бутел и инсистираа на средба со директорот. Се приближија до главниот влез каде наидоа на припадници на приватното обезбедување ангажирани од ЕВН. Директорот на филијалата се согласи да се сретне со само тројца жители под услов разговорот меѓу нив да се одвива без присуство на камерата на телевизијата Алсат. Ова не беше прифатливо за жителите. Ситуацијата ескалираше и толпата се обиде насилно да влезе во просториите на ЕВН во Бутел.
Не помина многу време откако полицијата пристигна на местото на настанот и заедно со безбедноста беа позиционирани пред главниот влез за да ги спречат жителите и нивниот обид да влезат насилно.
Тие велат дека дека добиваат сметки кои редовно ги плаќаат, но и покрај тоа немаат струја во своите домови.
Недостатокот на електрична енергија ги остава без вода бидејќи повеќето од нив обезбедуваат вода за пиење од бунари со електрични мотори
Месото и млечните производи често завршуваат во ѓубре, бидејќи ладилниците не работат.
Недостаток на електрична енергија ги лишува студентите од посета на часови преку Интернет. Тие немаат каде да ја полнат својата опрема.
