Евгениј Пригожин, основачот на паравоената организација Вагнер, во својот последен говор повтори дека руските сили ги предале своите позиции на периферијата на Бахмут. Според Пригожин, тоа и овозможило на украинската армија да заземе важни тактички височини.
Лидерот на Вагнер изјавил и дека е пробиена блокадата на патот Бахмут-Часив Јар, кој поради важноста за снабдување беше наречен и „пат на животот“, па „непријателот ќе може да го искористи“. И покрај деблокирањето.
Пригожин ни при својот нов јавен настап не се воздржа да ги критикува високите руски функционери. Овој пат негова цел беше портпаролот на Министерството за одбрана Игор Конашенков. Пригожин е сигурен дека погрешил кога на брифингот им кажа на новинарите дека руските трупи зазеле позиции во акумулацијата Берховски.
– Откако ги поместивме крилата, следеше тактичко повлекување, па другарот Конашенков, најблаго речено, излажа. Се случи трупите на Министерството за одбрана едноставно да избегаат од нашите крила – забележува Пригожин.
– Заземањето на Бахмут не ни дава ништо бидејќи крилата се распаѓаат, фронтот се руши. Залудни се обидите на Министерството за одбрана на полето на информирање некако да се смири ситуацијата и ќе доведат до глобална трагедија за Русија. Затоа, мора веднаш да престанете да лажете. Ако сте избегале, изградете уште една линија на фронтот – советува водечкиот Вагнер.
Во секој случај, Пригожин е целосно надвор од контрола. Најдобар доказ е една од неговите вознемирувачки изјави што е објавена на каналот Телеграм на Вагнер. Имено, во неговиот прилично долг извештај за состојбите на бојното поле, во еден момент пропуштил изјава која предизвика голема бура.
– Зошто мораме да трошиме муниција на руски војници кои бегаат од бојното поле. Зошто? – прашува Пригожин.
Извор Фокус
