Млада девојка се здобила со тешки телесни повреди при сообраќајна несреќа која се случила вчера во 07:00 часот на локалниот пат село Кадино – село Миладиновци, скопско.
Како што информира МВР, несреќата се случила помеѓу патничко возило „фиат пунто“, со скопски регистарски ознаки, управувано од 23-годишната Љ.А. од село Марино, скопско и товарно возило „ман“, со кумановски регистарски ознаки, управувано од 56-годишниот Ќ.К. од Куманово. Во незгодата Љ.А. се здобила со тешки телесни повреди, констатирани во Комплексот клиники „Мајка Тереза“. Извршен бил увид на местото на незгодата од увидна екипа од СВР Скопје.
